වහින්නට හැකිනම් - Wahinnata Hakinam

වහින්නට හැකිනම් ගිගුම් දී
වියලි ගම්බිම් වලට ඉහලින්
ඉදෙන්නට හැකිනම් බතක් වී
බතක් නොයිදෙන පැලක රහසින්

රැදෙන්නට හැකිනම් ළමා කැල
හඬන දෙතොලඟ සිනාවක් වී
පිපෙන්නට හැකිනම් තුරින් තුර
නෙලා ගත හැකි වන මලක් වී

වහින්නට හැකිනම්...

නිදන්නට හැකිනම් දෙනෙත් තුල
සැබෑවෙන සුභ සිහිනයක් වී
ගැයෙන්නට හැකිනම් දොරින් දොර
ලොවම පුබුදන ගීතයක් වී

වහින්නට හැකිනම්...

ගායනය : නන්දා මාලනී
Artist : Nanda Malani